ՇԱԲԱԹՕՐԵԱՅ ԴՊՐՈՑԻ ՈՒՍՈՒՄՆԱԿԱՆ ՏԱՐԵՇՐՋԱՆԻ ԲԱՑՈՒՄ ՔԷՕԼՆԻ ՀԱՅ ՀԱՄԱՅՆՔՈՒՄ

Շաբաթ, 30 Օգոստոս 2025-ին, Քէօլնի Սբ. Սահակ֊Սբ Մեսրոպ առաջնորդանիստ եկեղեցում տեղի ունեցաւ հայ համայնքի Շաբաթօրեայ դպրոցի ուսումնական տարեշրջանի բացմումը`

նախագահութեամբ Գերմանահայոց Թեմի առաջնորդ, գերաշնորհ Տ. Սերովբէ եպիսկոպոս Իսախանեանի, եւ ներկայութեամբ Համայնքի հոգեւոր հովիւ Հայր Եղիշէ վարդապետ Աւետիսեանի, Համայնքի վարչութեան անդամների, դպրոցի ուսուցչակազմի, ծնողների եւ շուրջ 60 հայ երեխաների, որոնք յաճախելու են մանկապարտէզի եւ դպրոցի տարբեր դասարաններ։

Առաջնորդ Սերովբէ սրբազանը նախ իր ողջոյնի եւ օրհնութեան խօսքն ուղղեց երեխաներին եւ ներկաներին` յորդորելով երեխաներին` Համայնքի ստեղծած առիթն իրապէս օգտագործել լաւ սովորելու հայերէնը, որպէս հայ ինքնութեան հիմք։

Այնուհետեւ Սրբազան Հայրը բոլորին հրաւիրեց միասին երգել եւ աղօթել «Հայր մեր»ն ու «Քրիստոս ի մէջ մեր յայտնեցաւ»ը։

Աղօթաերգերից յետոյ Սրբազան Հայրը յատուկ աղօթքով օրհնեց դպրոցի երեխաներին, ուսուցիչներին, ծնողներին եւ վարչութեան անդամներին եւ Աստուծոյ օրհնութեամբ բարի երթ եւ յաջողութիւն մաղթեց նոր ուսումնական տարում։

Աղօթքից յետոյ երեխաները բաժանուեցին իրենց դասարաններով, եւ սկսուեց նոր ուսումնական տարին։

Բարի երթ մեր Համայնքի մանկապարտէզին եւ դպրոցին։

Համայնքի վարչութիւն